Naor de Aachterhoek

Dit is een vroeg en kot dagboekstokkien. Ik stappe om kwat veur negen in de auto en dan gao ‘k naor Jan en Diana in Aalten. Ik ete tussen de middag wat bi’j heur en dan gaon we vandemiddag mit mekeer naor et Helenahuus. Daor mag ik dan veur een koppeltien volk verhaelen vertellen. Aachterhoeks en Stellingwarfs lieken slim op mekeer, dat ze kun me daor grif verstaon. Vanaovend eet ik weer wat bi’j Jan en Diana. Dat betekent da’k niet al te vroeg weer thuus bin en dan he’k grif gien nocht en schrief nog een dagboekstokkien. Ik zal veur de eerste keer zoe’n lange rit mit de ni’je auto maeken, dat is ok wel een betien spannend.