Johan Veenstra
Stellingwarver schriever en verteller

Naor Antje in Zwolle

Plaetst op 16 november 2024.

Vandemorgen bin ‘k begonnen mit et rippeteren van de verhaelen die ‘k ankem weke maendagmiddag vertellen zal in Gersloot en vandemiddag he’k naor Antje in Zwolle west. Ik kwam vroeger as klein joongien mit kammeraotien Wube uutvanhuus bi’j de oolden van Antje in Blesdieke en dan wa’k zo vanwendig as een podde. Dan brocht mien moeder oons d’r op ‘e fiets henne en dan gong ze middags weer naor huus. Dan keek ik heur nao en ha’k zo graeg drekt mit weeromme wild. Et was me ok wat. Antje is tien jaor oolder as ik bin, zi’j hadde in die jaoren verkering mit Dick uut Blokziel. Herinnerings… Een meens krigt almar meer herinnerings.We hebben vandemiddag aldergenoeglikst bi’jpraot. Ik bin d’r om vier ure weer in de auto stapt en deur vies en motterig haastweer naor huus reden. Hieronder een mooie, oolde foto van Janne en Wander, de oolden van Antje.