Naor Aalten

Dit is een supervroeg dagboekstokkien, mar ik zal de hiele dag vot en komme eerst vanaovend laete weer thuus. En dan he’k gien nocht meer an et schrieven van een dagboekstokkien. Ik zal vandaege, zoas alle jaoren een dag, op vesite bi’j Jan  en Diana in Aalten, in de prachtige Aachterhoek. Ze bin verhuusd, dat ik kan mitien heur ni’je huus bekieken. Et is spietig dat et zok suterig weer is, we kun op disse meniere daor niet lekker in de kotte broek uut fietsen. Ondaanks dat wodt et grif een genoeglike dag. Jim heuren d’r morgen ongetwiefeld meer van.