Mooi Oranjekonsert

Vandaege he’k wat an ’t kassies schonemaeken en redderen west en ik hebbe alderhaande spul bi’j mekeer gadderd dat naor de kringloop kan.

Gisteraovend hewwe geneuten van een hatstikke mooi Oranjekonsert. De brassband Euphonia onder leiding van Gerben Pol speulde allemaole wark van Amerikaanse kompenisten. New York, New York en vule meer van die mooie nommers. Sharon Kips zong geweldig! Wat het dat vrommes een gat in de keel, zol mien moeder zegd hebben. Ze hadde een mooi oranje jassien an. De aovend was vusen te rap veurbi’j. Mar nao ofloop biwwe zeker nog wel een ure bleven om wat nao te praoten en te genieten van heerlike happies en draankies. Lenus van der Broek het me wat foto’s toestuurd en twieje d’r van staon hieronder.