Mit de boot et waeter op

We bin vandaege van tien ure morgens tot half zeuven aovens mit de boot et waeter op west. De temperetuur leup op naor 29 graoden. Omdat d’r een betien wiend ston, was et heerlik op et waeter. Zonder die wiend was et smoorhiete west. We bin eerst via Warga naor Grou veerd en doe in de richting van De Veenhoop. We bin ok nog een aentien richting Drachten veerd, mar bin halverwege weerommegaon. Om kwat over twieje hewwe op et terras van resteraant Ie Sicht geneuten van een twaelfuurtien. Via de Fonejachtbrogge bi’j Suawoolde biwwe et noorden weer ingaon. Wat hebben we een protte mooie kleine enties en gaansies mit heur oolden zien. Zo mooi is dat jonge goed! Op een dukdalf zat een stormvoegel mit een zulverachtig vissien tussen de snaevel. Aarm vissien… Kleine vissies en grote meensken, we bin allegeer gien dag zeker van oons leven. Hieronder een foto die ‘k vandemorgen maekt hebbe van et dorp Grou mit de Sunte Pieter.