Mien oolde huus

Op verzuuk van een niet onbekende Nederlaanse uutgever he’k mien gedicht Mien oolde huus vertaeld in et Nederlaans. De Stellingwarver en Nederlaanse versie kommen in een bloemlezing die in de loop van de haast uutkommen zal. Dat vien ik slimme aorig. Ik wete d’r wel meer van, mar lao’k d’r now veerder nog mar niks over vertellen. Dat komt laeter wel. Ik hebbe de vertaeling en de oorspronkelike versie vandemiddag naor heur toemaild. Et gedicht Mien oolde huus komt uut de bundel Sletel parredies uut 1994. Op dit webstee staot een videofilmpien van dat gedicht. Zie bi’j Video’s.

Hieronder nog een foto van gister. Dit is een in mien ogen sierlik uutkiektorentien an et waeter tussen Eernewoolde en De Veenhoop. Tussen et waeter en de uutkiektoren lopt een fietspad. Wat he’k de boot al vaeke bi’j dit uutkiekplak langesstuurd!