Middernachtsmeisjes

Vandaege he’k de kollum die ‘k donderdag naor de kraante sturen zal nog wat befiekt en behemmeld en ik hebbe een ni’je kollum schreven over et feit dat ze me vraogd hebben om opa-roetveegpiet te wezen bi’j de intocht van Sunderklaos.

Ik hebbe de spannende thriller Middernachtsmeisjes van Jonas Moström lezen. Een mooi boek! In de universiteitsstad Uppsala wodt et veurjaorsfeest Walpurgisnaacht uutbundig vierd. De studenten bin uutgelaoten. Mar dan wodt et lichem van een studente vunnen in ien van de ooldste kollegezaelen van de universiteit: et anatomisch theater. Ze is smoord. D’r bin een protte overienkomsten mit aandere slaachtoffers. Et bin allegeer maegies die op mekeer lieken en ongeveer dezelde leeftied hebben. Inspekteur Johan Axberg en psychiater Nathalie Svensson moe’n d’r mit an de slag en perberen te veurkommen dat de daoder opni’j toeslat.