Johan Veenstra
Stellingwarver schriever en verteller

Meleur

Plaetst op 12 oktober 2023.

Dit dagboekstokkien verstuur ik vanof een komputer van mien uutgever, want ik kan thuus niet mailen. De komputer warkt niet mit, mar vanaovend komt mien redder in de nood langes. Eerder kon niet, want ik hebbe iederkeer optredens. Gisteraovend wa’k bi’j de Vrouwen van Nu in IJhorst. Dat was een barre tocht weeromme naor huus over kronkelige weggies in duuster en in de stromende regen. Vanaovend za’k vertellen veur een grote koppel bestuurders uut hiel Frieslaand. Dat zal wezen op et Victoria Park in Wolvege. Ik kan niet beloven dat d’r de kommende daegen riegelmaotig dagboekstokkies kommen, mar ik leve dus nog wel en ligge niet dood onder an de trappe of zo.