Manuskript

Vandaege het mien leesgroep hier west om over mien manuskript mit 28 wat langere verhaelen te praoten. Fettje, Douwe en Jelle kwammen hier om goed tien ure de deure in. Geertje en Pieter hadden ofzegd. Ik hadde appeltaart bakt, dat daor biwwe eerst op te zette gaon. Ze vunnen de verhaelen mooi, dat et boek kan d’r wat heur anbelangt wel kommen. Mar… ze hebben me ok flink wat huuswark geven. Pattie overgangen moe’n wat beter en ik bruke vusen te vaeke dezelde woorden te kot aachter mekaander. Zoas et woortien hadde, de vervoeging van et warkwoord hebben. Dat kan aanders en beter. Ik zal van begin of an et hiele manuskript weer deur en veraandere/verbetere een hieleboel dingen. Dat wodt even een flinke klus, mar ik hebbe daor wel nocht an, want et kan d’r allienig mar beter deur wodden en daor gaot et omme. Et moet zo goed as et mar kan! Ik bin dus bliede mit alle kritiek. Een titel is d’r ok nog niet, et is drege en vien een mooien iene. Nao et overleg hewwe hier mit mekeer gezellig eten.