Johan Veenstra
Stellingwarver schriever en verteller

Makkinge

Plaetst op 22 november 2022.

Ik hebbe vandaege wat boeken ophaeld bi’j de Stellingwarver Schrieversronte in Berkoop. Veur de verkope tiedens optredens en de marken daor a’k binnenkot stao. Vandemorgen op bedde he’k trouwens al verhaelen rippeteerd veur een optreden van vanaovend in dörpshuus Grietenijhûs in Makkinge. Ik zal daor naor de bestuursleden van de verschillende iesklubs van Oost-Stellingwarf. Nao heur vergeerdering mag ik dan wat vertellen. Dat betekent da’k laete van huus kan, ik hoeve daor eerst om 9 ure wat te doen. Ik hebbe trouwens eerder veur heur verteld op 4 meert 2017 in Appelsche en omda’k opschrieve wa’k overal vertelle, doe ‘k vanzels aandere verhaelen as die ‘k doe daon hebbe.