Liek en Laompien

Mien literaire thriller Et liek in de Lende is uutverkocht. In een peer boekwinkels is et boek lichtkaans nog te bezetten. De laeste drie exemplaoren he’k vleden weke in Appelsche verkocht. Zie veerder een artikeltien in de rebriek Ni’js van dit webstee.

Haost uutverkocht is Et laompien dat een varken is. Dat kienderboek heb ik vertaeld in et Stellingwarfs. Daor bin nog drie exemplaoren van. Et boek is schreven deur de bekende Nederlaanse kienderboekeschriever Pim Lammers (1993). De oorspronkelike titel is Het lammetje dat een varken is. Pim kreeg in 2018 een Zulveren Griffel veur et boek. Et zicht d’r prachtig uut en d’r staon mooie tekenings in van Milja Praagman. Op 31 meie 2022 prissenteerden Pim en ik et boek tiedens een literaire aovend in de biebeltheek van Oosterwoolde. Een dag laeter gongen we d’r tegere mit naor basisschoelen in Ooster- en Noordwoolde en leesden et daor an de kiender veur. De laeste drie exemplaoren gaon veur et slieterspriesien van 12,50 euro de deure uut. Hieronder een foto van oons die maekt is in de biebeltheek van Oosterwoolde.