Lekker fietsen

Ik hebbe vandaege een heerlike fietstocht van percies 50 kilemeter maekt. Et moet now nog even wezen, want vandaege over een weke begint de Eupen Stal en dan kan ‘k niet zovule meer fietsen. Ik bin bi’j de Lende langes naor de Driewegsluus reden en doe over de Scheenesluus naor et bedoeninkien naost de Van Helomavaort. Daor wa’k van doel en ete een brotien. Mar de boel was daor sleuten in verbaand mit een fesien. Doe bin ‘k mar deurfietst deur de Braandemeer en in Wolvege he’k wat drinken en eten had op et terras van sjefeurskefé De Stoof. Een koppien soep en een tosti keze/schinke. Bi’j de slaachter in Wolvege he’k een hiele flut kaant en klaore maoltieden kocht. Ok al in verbaand mit de Eupen Stal. Dan he’k een maond laank gien tied en kook geregeld eten. Dan moet et hier weer een schoft mit de Fraanse slag. Hieronder een foto die ‘k onderweg maekt hebbe. Dit is een husien an de Schipsloot. Die meensken daore hebben krek as ik de waske an de liende vandaege hatstikke lekker dreuge kregen.