Last rose

Vandemorgen he’k een heerlike kruudkoeke bakt mit gember, abrikozen en Fraanse vruchies. Een goed begin van de zundag. Vandemiddag he’k op et west van Wolvege naor drie grote winkels west om bosschoppen te doen. Dat ha’k gister vanuut Grou al doen zuld, mar doe he’k daor een hiel schoft naopraot en wodde et me te laete en gao ok nog naor Wolvege in dat malle ontiederige en regenachtige weer. Et is trouwens nog hielemaole niet koold. Et wonderlike is dat de lavendel veur ’t huus in de tuun weer bluuit en d’r kommen ok nog dikke hommels op of. En dat in november… Butendat bluuit de rooie roze tegen de veurgevel nog volop. Et dot me an dat prachtige lied daenken: The last rose of summer…