Laatste seizoen

Ik hebbe twie kollums in klad schreven. Iene mit de titel Goelende wolven over een fontein mit waeterspi’jende wolven dat neffens een groepien meensken in Wolvege kommen moet. En dan nog een kollum mit as titel Graoperds over oonze nationaole held Max Verstappen die neffens de kraante omtrent 65 miljoen euro in et jaor verdient en gien of praktisch gien belasting betaelt. Et is de laeste daegen drok in Berkoop op Eupen Stal. Ik hebbe d’r vandemiddag tot kwat over viere west en doe bin ‘k rustig weer naor huus fietst.

Ik hebbe now ok de roman Laatste seizoen van Vonne van der Meer nog een keer lezen. Et laeste boek uut een serie van drieje over de vekaansiegangers die op Vlielaand in et zoemerhusien Duinroos zitten. Hiel arg mooi!