Johan Veenstra
Stellingwarver schriever en verteller

Kuiertocht

Plaetst op 28 meie 2023.

Vandemorgen kwammen Douwe en Romkje bi’j me op vesite. We hebben hier butendeure koffie-/theedronken mit wat lekkers d’r bi’j van bakker Bolhuus. Netuurlik het poes Marja ok een protte andacht en brokkies/snupies kregen. Poes is gek op meensken die wat veur him mitnemen. Om et middagure henne biwwe mit de auto naor et parkeerterreintien an de Pieter Stoevezaandweg in Ni’jtriene reden. Daor biwwe begonnen an een kuier naor en bi’j de Scheene langes. Et was prachtig weer en overal drok mit fietsers en kuierders. In de theetuun van David en Tanja, naost de meule De Rietvink bi’j de Scheenesluus, hewwe wat eten en drinken had. En doe biwwe weerommekuierd naor de auto  en weer naor Ni’jhooltpae reden. Een mooie dag! Hieronder een foto die ‘k vandemiddag maekt hebbe. De Scheenesluus mit B&B De laeste stuver en meule De Rietvink. Naost de meule is de theetuun daor de margrieten prachtig bluuiden en waor aj’ zo heerlik en mooi zitten kunnen..