Kuiertocht

We bin vandaege letterlik op stap west. Et was prachtig weer en we hebben een kuiertocht van zes kilemeter deur de Rottige Miente maekt. Et was zuver waarm, we hadden de kotte broek wel an hebben kund. Onderwegens vertelde een man oons dat een zee-aorend daor vleden jaor een jong grootbrocht het. Hi’j vertelde ok dat de meule de Rietvink mit de woonboot en de theetuun nao twie jaor verkocht is. David en Tanja Goede zetten de boel indertied te koop. Dat vun ik doe slimme spietig. Mar d’r kommen now ni’je meensken in die de theetuun ni’j leven inblaozen zullen. Dat is mooi. D’r weren een protte gakkende gaanzen in de locht en we zaggen ok een biezunder spannegien enten. Et mannegien kreupelde nogal, mar hi’j hadde dus wel een wiefien bi’j him. Die kon dat kreupelen bliekber niks schelen. Et was veerder een prachtig glaanzig mannegien en daor wil ze bliekber gewoon seks mit. Kreupel of niet. We hebben om vier ure een twaelfuurtien had in sjefeursresteraant De Stoof an de oolde rieksweg in Wolvege. Hieronder twie foto’s die ‘k vandemiddag in de Rottige Miente maekt hebbe.