Kollums

Ik hebbe de laeste daegen mar liefst vier kollums schreven en dat allemaole om mar wat in veurraod te hebben. As mien twiede en goeie oge oppereerd wodt, wee’k even niet a’k dan wel lezen en komputeren kan. Gien idee. Vandaor dat d’r dan wat klaorligt wat allienig nog mar verstuurd wodden moet. Dat geft een gerust gevuulte. Et bin kollums over Jack van Gelder, Sweet Caroline, et kwartet dat een kammenet maeken moet en poes Marja. De laeste is zeker niet de minste van dit bonte gezelschop! Butendat bin ‘k gister uut aende zet mit et rippeteren van de verhaelen die ‘k de kommende donderdagaovend in Norg vertellen zal.

Nao de nepverkiezings in Ruslaand is et lichtkaans aorig om te vertellen dat al meer as 83.500 meensken de Aleksej Navalny-petitie ondertekend hebben. Zie: https://aleksejnavalnyweg.petities.nl