Kollum

Et was weer een medische dag. Ik was vandaege bi’j Heurzorg Jerre in Et Vene, bi’j de huusdokter in Wolvege, bi’j de apteek in Wolvege en ik hadde twie keer tillefonisch kontakt mit et ziekenhuus in Et Vene over medesienen. En doe ha’k et nocht d’r dikke of en he’k nog een kollum schreven over poes Marja. Ik hebbe tegen him zegd dat d’r begin ankem jaor een stokkien over him in de kraante komt. Hi’j het me even ankeken en is doe weer liggen gaon te slaopen. Et interesseerde him bliekber niet. Netuurlik he’k mien toespraoke veur vri’jdag ok oefend en ik perbere et verhael De kwakzalvers d’r weer in te stampen. Ik zal aanst in duuster nog wat kast- en ni’jjaorskaorten rondbrengen. Oonze ooldejaorsploeg De Takkebienders het zoas ieder jaor een kastboom op ‘e hoeke in et dörp zet. Et is een prachtig gezicht! De boom staot pal veur de boerderi’je daor veertig Oekraïners kommen te wonen. Et kan best wezen dat ze d’r zo staorigan alle veertig al binnen. Ik hope dat zi’j et ok een mooi gezicht vienen.