Kolja

Ik hebbe de roman Kolja van Arthur Japin lezen. Een krusing van een historische roman en een thriller. Ik vun et een mooi boek. Kolja is een doofstom joongien en komt op zien achtste bi’j de breurs Modest en Pjotr Iljitsj Tsjaikovski (de beroemde kompenist) in huus. De beide breurs reizen deur hiel Europa mit de jonge en Modest leert him et liplezen en et praoten, zodat hi’j him redden kan in de wereld. As de beroemde kompenist wegraekt gaon de praoties as strovuurties deur Sunt Petersburg. Is de goeie man wegraekt an de pest? Is hi’j lichtkaans vermoord of… het hi’j himzels van kaant maekt deur vergif in te nemen? En waoromme dan? Kolja het drie daegen de tied, tot de staotsbegraffenis, om aachter de waorhied te kommen. Mar moet de waorhied wel veur ’t locht kommen? Misschien zol et et beste wezen as Kolja him now weer stom hoolt.

Et is vandaege Dieredag en dus staot hieronder een foto van poes Marja. We doen veerder niet an Dieredag, want et is hier elke dag al Dieredag. D’r is gien katte op ‘e wereld die meer verwend wodt as poes Marja!