Koekebakker

Doe ‘k gistermiddag thuuskwam van de fietstocht he’k drekt een kruudkoeke bakt in een botterkoekevorm. Et is dus een ronde kruudkoeke wodden. Ik hebbe d’r dreugde proemen, sukade en orangeat deurhenne prutst. Ankem weke krie’k et bestuur van de JVS hier over de heerd en ik zette ze dan een timpien van disse koeke veur. Dan hoef ik dan niet ok nog te bakken, want mien tied is beparkt. As ze dit niet hebben willen of niet lussen, kun ze altied nog een peer maelkoekies kriegen. Die he’k altied in huus.

Vandaege is de tuun opredded deur een tuunman en een tuunvrouw. Et is hatstikke netties wodden. Krek veurdat hier de weg ofsleuten wodt, hebben ze et tuunwark daon. Aanders was et veur heur niet te doen west. In verbaand mit de klimaotveraandering passen we de plaanteboel zo now en dan wat an. Plaanten die min tegen de dreugte kunnen vervangen we deur spul dat daor krek wel tegen kan. Zo zuj’ d’r mit an moeten aj’ een nette tuun holen willen.