Kleine fietstocht

Et zol vandaege angenaem weer wodden, zeden de geleerden. Ik was dus van doel en maek een lange fietstocht en dan zo’k in de theetuun bi’j de Scheenesluus tussen de middag een lekkere panini eten. Mar… et was vandemorgen hielemaole niet zok lekker weer. Et was bewolkt en kil en et spatterde bi’jtieden even. Butendat ston d’r een best stok wiend. De lange fietstocht is dus overgaon. Mar vandemiddag klaorde et op. Doe he’k nog een tochien van 26 kilemeter maekt. Ik bin even naor Wolvege west om wat bosschoppen en ik hebbe daor alvast een besteld boek anbrocht. Ik bin bi’j de Lende langes weerommefietst. Wat bluuien de spirea’s now mooi en et bin overal witte hempies! Ik bin now doende mit de etenkokeri’je veur morgen, want dan kommen d’r vier eters en die zetten d’r in de regel nogal flink wat deur. D’r is dus wark an de winkel!