Kastmark Scharpenzeel

Vandaege he’k de hiele dag mit mien boeken op ‘e kastmark in de karke van Scharpenzeel staon. Ik hebbe, krek as in Blesdieke, best verkocht. Mar mit een zere huud een bak mit boeken sjouwen, dat was toch wat minder lekker. Mar dit was veurlopig de laeste mark waor a’k henne west hebbe. Misschien begin ankem jaor nog es weer naor Beetsterzwaog. We hebben et altied prima in Scharpenzeel. We kriegen vergees koffie, thee, poeiermelk en… tussen de middag een heerlike kop snet. Super! Ze vraogen gien markgeld, mar d’r kan een vri’jwillige bi’jdrege geven wodden die dan bestemd wodt veur een goed doel. Van ’t jaor was dat et KWF-Kankerfoons. D’r weren ok banketstaeven te koop daor de opbrengst van ok veur et kankerfoons was. Ik hebbe netuurlik zoe’n lekker ding kocht en daor za’k vanaovend op te zette. Et is altied slim aorig as goeie vrunden langeskommen. Harry en Frans kwammen vanuut Noordwoolde even bi’j me in Scharpenzeel. Hieronder een foto die ‘k vandemorgen om half tiene maekt hebbe. We bin hier nog drok doende om de boel in te richten.