Kastkedogies

Ik hebbe de waetertonne, die al vol waeter ston, vandemorgen veur de wissighied leeglopen laoten. Ze zeggen dat et vriezen gaot en d’r moe’n vanzels gien scheuren in de tonne kommen. De man die de waetertonne plaetst het, Rino, de grote baos van R. Bosma Groenprojekten uut Vinkege, kwam even laeter an de deure mit een kastpakket. Een deuze vol lekkers van de bakkers van Verloop. Vandemiddag kwam de man van de karke mit een soortgeliek deusien van bakker Kruiper an de deure. Nog een kastpakket. In mien kollum, die vandaege in de kraante staot, schrief ik over die man van de karke. Wat is toeval… Hi’j begon d’r trouwens drekt over. Now zit ik mit een flut lekkers en ik hadde ok nog van alles kocht en… d’r komt gien meenske. Ik hebbe alles ofzegd. Dan moe’k alles zels mar opeten…

Doe we vleden weke woensdag in Grunningen in de koolde dieze ommebeinselden vuulde ‘k de verkooldhied al opkommen. Et is die dag nog krek goed gaon. Ik zag doe een man die blikkies en flessies uut de ofvalbakken haelde. Ik hebbe dat wat staon te bekieken en kreeg doe een mooi idee. Dat idee he’k vandaege verwarkt in een kollum.