Kastdaegen

Een hiel schoft leden he’k de Audiotoer van et Nationaol Vlechtmuseum in Noordwoolde in et Stellingwarfs vertaeld en laestdaegs is et opneumen. Mar now dee blieken dat tiedens de eerste zes blokkies tekst et tikken van de keukenklokke te heuren is. Dat kan vanzels niet, dat daoromme het direkteur Iwan van Nieuwenhoven hier gistermorgen weer west en hewwe die zes blokkies tekst nog een keer opneumen. Ik hadde weer even goed oefend veur de tied, dat ik kon ze zonder versprekings oplezen. Now is et dus goed.

Ik kieke altied naor de kasttoespraoke van de keuning. Zoas die man et zegt, zo zol et wezen moeten. Et bin mooie en waore woorden. We zullen mit mekaander oons best doen moeten en maek een betere wereld. Awwe oons daor allemaole an holen zollen, zol de wereld d’r een stok mooier henneliggen. Mar nogal wat meensken holen heur d’r niet an. Ankem jaor ok niet. En toch moe’n d’r meensken wezen die oons iederkeer weer vertellen hoe et moeten zol.

Ik hebbe disse daegen gien ofspraoken en bin allienig thuus. Gelokkig is poes bi’j me. Ik zal een boel schrieven en lezen.