Kapper

Vandemiddag he’k op ‘e fiets naor kapster Bertha in Et Vene west. Et was heerlik weer en 27 graoden. Over een peer daegen is et weer 11 graoden. Bah! Op ‘e hennereize bin ‘k over et fietspad bi’j de Kuunder langes gaon. Bi’j Bertha he’k eerst een koppien thee en een plakkien krentebolle mit boerebotter had. Vervolgens het ze een ure neudig had om me weer wat toonber te maeken. En nao al dat wark hewwe een koppien ossestatsoep en een uutsmieter had. As ofsluter nog een koppien thee mit een sukelaogien d’r bi’j. En doe bin ‘k deur de bossen van Oranjewoold weer naor huus fietst. Ik hebbe onderwegens een foto maekt van et prachtige Oranjestein in Oranjewoold daor in vroeger tieden de femilies Bieruma Oosting en De Beaufort woonden.