Kandinsky

Ik hebbe et 26ste wat langere verhael da’k schreven hebbe naor Geertje en Jelle stuurd en die hebben me intied weten laoten dat ok dit verhael zeker geschikt is veur een boek mit wat langere verhaelen. De titel van dit verhael is Kandinsky en et telt 2258 woorden. Een man ontdekt dat bi’j zien oolde huus meensken een B&B begonnen binnen. Et liekt him aorig toe en gao weeromme en slaop nog es op et oolde stee… Hi’j gaot op disse meniere op meer menieren weeromme in de tied.

Vandemiddag bin ‘k over De Hoeve naor Berkoop reden en ik bin krek bi’j de Kuunder langes weerommefietst naor huus toe. Gistermiddag was et niet slimme drok op ‘e Eupen Stal. Dan verkoop ie ok niet vule. Vandemiddag was dat beter! Hieronder een foto. Vleden zaoterdagmiddag, op ‘e eerste dag van Eupen Stal, het Lenus van der Broek disse foto van me maekt op mien plakkien aachter de boeketaofel in de hal van et gebouw van de Stellingwarver Schrieversronte.