JVS

Ik bin vandaege mit Fettje op stap west veur de Johan Veenstra Stichting. Om tien ure vandemorgen wawwe in et Nationaol Vlechtmuseum in Noordwoolde en daor biwwe gaastvri’j ontvongen deur en hewwe praot mit Iwan van Nieuwenhoven en Leo Stolk van Stichting Locomotief NS164 Noordwolde. Vroeger lag Noordwoolde an de tramlijn van Stienwiek naor Oosterwoolde. Et tramstesjon staot d’r nog in Noordwoolde, daor kuj’ now lekker wat eten. Veur et tramstesjon staot now een mooie oolde tramlokemetief. Die is vandezoemer deur et leger vanuut Stadskenaol ophaeld en keurig te plak zet in Noordwoolde op een stokkien spoor. Een mooie herinnering an vroeger. De Johan Veenstra Stichting het geld geven veur et maeken van een permenente tentoonstelling over de tram van eertieds in et Vlechtmuseum. Alles staot in een mooie glaezen vitrine. In die vitrine dri’jt ok algedurig een filmpien over de ankomst van de lokemetief vanuut Engelaand op D-Day (6 juni 1944) in Normandië. Uniek filmmateriaol. Gao d’r mar es henne te kieken! Hieronder een foto van de vitrine die we bekostigd hebben. Van Normandië naor Noordwoolde. Ik hebbe vandaege ok de agenda maekt veur de wintervergeerdering van de JVS en een verslag veur oonze website van de uutvoerde aktiviteiten in 2024.