JVS

Ik was vandemorgen om half zeuven al van bedde, ik was gewoon klaor wakker. Dat om zeuven ure bin ‘k al uut aende zet en bak een appeltaart. Die is trouwens heerlik wodden! An et aende van de morgen bin ‘k op ‘e fiets naor Wolvege gaon om bosschoppen en ik bin veur fysio bi’j Marian west. Bi’j de Lende langes bin ‘k weer op huus an gaon. An et aende van de middag kwammen de Voogden van de Johan Veenstra Stichting (JVS) hier over de heerd veur oonze zoemervergeerdering van dit jaor. Eerst kwam de appeltaart op ‘e taofel daor alleman gruusaordig op te zette gaon is. We hebben in een ure de punten van de agenda ofwarkt. En doe hewwe hier mit mekeer eten. Gruuntesoep mit ballegies, een ovendschottel zoerkool mit gelderse wost en spekkies en nog roomyoghurt nao. En netuurlik hewwe aldergenoeglikst praot. De volgende JVS-vergeerdering is op 20 december, ok weer bi’j de naemgever van de stichting thuus in Ni’jhooltpae.