JVS

We bin gister van vuuf ure tot half negen in resteraant Pieter Poot op ‘e Blesse west veur et kastdiner van de OSON. Et was hiel genoeglik en et eten was heerlik. En now kommen hier aanst vier eters. Gister he’k al een botterkoeke bakt mit een vulling van abrikozen en viegen, vandemorgen he’k d’r nog een kokeskoeke bi’jbakt. Dat de vesite kan dommiet mar uutkiezen. Ze meugen alles vanzels ok pruven. Die vesite bestaot uut de vier aandere bestuursleden van de Johan Veenstra Stichting. We kommen twie keer in et jaor bi’j mekaander. In juni en in december. Een zoemer- en een wintervergeerdering. We vergeerderen eerst en awwe de agenda ofwarkt hebben, zet ik ze een ongetwiefeld lekker maol waarm eten veur.