Johan Veenstra
Stellingwarver schriever en verteller

JVS

Plaetst op 10 juni 2022.

We hebben de eerste halfjaorlikse vergeerdering van de Johan Veenstra Stichting vandaege wel deurgaon laoten. Et was now weer bi’j mi’j thuus. De laeste keer was dat op 20 december 2019. Daornao wodden de vergeerderings soms oflast of op ‘e Fochtel in et Centrum veur Prentkeunst van de Stichting Nobilis hullen. Dat allemaole in verbaand mit corona. Bi’j mi’j thuus was mit vuuf man gien aanderhalve meter ofstaand te holen. Mar et was vandaege weer as vanoolds. Now ja, niet hielemaole. Aanders bak ik altied een lekkere taart en ik maek waarm eten veur oons klaor. Daor ha’k now de energieĀ  niet veur. Nao de vergeerdering hewwe hier sop mit bolties eten. Dat kon ok best en de aanderen hebben veur me ofwusken!
Van Harry en Frans kwam d’r gister een kaorte vanuut heur vekaansieadres. Meschede ligt in et dal van de Ruhr in et ongetwiefeld mooie Sauerlaand.