Juryrepot

Nog even over gister en wat de jury van de Streektaelpries van et Dagblad van et Noorden in heur juryrepot over mien boek Et liek in de Lende schrift. D’r staot trouwens een grote fout in. De jury schrift dat ik in 2009 de Streektaelpries wun mit mien roman Een brogge van glas. Dat is vanzels niet zo. Ik kreeg de pries doe veur mien roman Et geheim van de wiend. Hier dan de tekst uut et juryrepot angaonde mien thriller. Veenstra won al twee keer de Streektaalprijs met zijn boeken ‘Een brogge van glas’ uit 2009 en ‘Een vrouw van ivoor’ uit 2015. En nu is er dan de eerste thriller in het Stellingwerfs. Je wordt meteen het verhaal ingezogen en door diverse onduidelijke aanwijzingen kun je, zoals een fijne thriller behoort te doen, ook al een beetje meedenken. Ook al ben je er niet bekend, al lezend krijg je toch een goed beeld van de omgeving. Ook de ontwikkeling van het plot is knap gedaan en het ondersteunende verhaal waarin de Hannekemaaiers een rol spelen, is interessant om te lezen.

Vandemiddag he’k vesite had van de femilie Bos uut Rotsterhaule. Die kwam een peer bestelde boeken ophaelen: de romans Een vlinder van zulver en Toegift en de bundel mit ni’je volksverhaelen Wonder boven wonder. Een schoffien leden kwammen d’r in et archief van de Stellingwarver Schrieversronte nog een stokmennig boeken te veurschien van titels van mi’j daor we van dochten dat die al uutverkocht weren. Et gaot om mar een stok of vier exemplaoren per titel. Ik verkope ze veur vuuf euro et stok. Veur dit slieterspriesien bin ok nog te koop: de roman Een brogge van glas en de verhaelebundel De boot naor Valhöll.