Jarmo

Ik kan dus weer mailen, mit daank an Jarmo. KPN docht dat mien mails spam weren, mar dat was vanzels onzin. Jarmo het ze uut de droom hulpen dat zoks dus niet zo was. Ik kriege ok een ni’je laptop van him mit Windows 11 d’r op. Hi’j zal mi’j in alle rust uutleggen hoe dat warkt. Ik bin op dit gebied gien vlotte leerling, mar dat het hi’j al lange wel in de gaten. Mar et spul wat ik hebbe is zo staorigan een oold rommeltien an ’t wodden. Ik kan dan mooi op mien ni’je laptop de boel een betien onder de beide kni’jen zien te kriegen. Butendat kan ‘k me ok nog op de oolde komputer redden. Jarmo is de grote man van Computerservice Hofma in Wolvege.
Hieronder nog een foto die maekt is deur Lenus van der Broek. Vleden donderdagmiddag moch ik een bi’jdrege leveren an de zesde editie van de Friese Bestuursdag in et Victoria Park in Wolvege. De Klebienders en ik mochten veur de Stellingwarver kultuur zorgen. Ik stao hier veurofgaonde an et pergramme op petret mit burgemeester André van de Nadort (links) en Albert Jan Kruiter uut Gouda (rechts). Hi’j hul een prissentaosie over Peblieke Weerden. Burgemeester Van de Nadort was gaastheer van een grote groep bestuurders van gemienten, perveensie en neffens mi’j ok van et waeterschop. Nao ofloop was d’r een buffet. Daor kon ik niet an mitdoen omda’k aovens een ofspraoke hadde. Ien van de raodsleden van West-Stellingwarf (Mulder van Blief Stellingwarfs uut Steggerde) het me doe een bakkien mit waarm eten mitgeven. Dat was trouwens hiel lekker!