Jaorlikse servicebeurt

Nog even een kot dagboekstokkien. Ik hebbe de hiele dag zonder komputer en laptop zeten. Vandemorgen he’k de hiele brut naor Jarmo brocht veur de jaorlikse servicebeurt. Zoks moet aenlik om de boel wat goed te holen. Hi’j het et spul now krek weerommebrocht en weer ansleuten. Ik raeke altied in de stress van al dat gedoe. Wat biwwe toch ok ofhaankelik van al dat spul, ik hebbe me zowat de hiele dag onthaand vuuld. Ie kun ok niks meer zonder dat goed. Ik hebbe wel een botterkoeke bakt mit een vulling van dreugde proemen. Dat is een perbeersel. Morgen kommen d’r drie man op vesite en die waog ik d’r an. As et niet te eten is, he’k altied nog wel een pak jodekoeken in huus.