Jaorig

Ik bin vandaege jaorig, mar ik viere de verjaordag eerst op zundag mit een stamppotbuffet veur wat naosten in oons mfc. We bin d’r vandaege op uut west, mar in verbaand mit et weer niet al te veer vot. We hebben een heerlike kuier over de Zanen maekt. De wereld lag d’r wondermooi bi’j. Een witte sprokieswereld. Bi’j de iesbaene langes, Koop en Kees heidegien, Kesten Dobbe en de oolde iesbaene. We hebben laeter luncht (twie plakkies bolle mit een gehakballe) bi’j de Koepelbos in Berkoop. Daor troffen we Jan en Durkje ok. Die hadden daor een tippe lopen.

Ik wil hier even bedaanken veur de tientallen en tientallen fielsetaosies. Dat kriej’ mit de kollum Tachtig die vandaege in de kraante ston. Tillefoonties, kaorten, appies en mailties. Et is geweldig! Et mooiste is vanzels dat d’r meensken binnen die vienen da’k d’r fantastisch uutzie! Mit zoks kuj’ veerder!