Jan Smink

Vandaege he’k verhaelen rippeteerd veur et optreden van de kommende deensdagmiddag. Butendat bin ‘k mit twie gedichten an ’t proezen west. Over et risseltaot tot now an toe bin ‘k niet ontevreden en dat is al hiel wat. Jarmo is krek weer vot, die het hier vanaovend ok eten. Ik hadde now een ovendschaole vol lekkere stamppot zoerkool mit gelderse wost. En d’r kon ok annenas bi’j neumen wodden. Zowel gisteraovend as vanaovend was d’r roomkwark as naospieze. Het het me verteld dat hi’j beide keren hiel lekker eten bi’j me had het. We weren et d’r aenlik wel over iens dat topkok Jan Smink et zeker niet lekkerder toemaeken kund hadde.

Hieronder dan een foto van mien eerste ammerille die volop in de bluui staot. Ik kriege van ’t jaor mar vufe van de elf in de bluui. Vleden jaor elf van de elf, dat is een hiel verschil. Mar van die vufe zitten in ieder geval in twieje twie staelen.