Jan Mankes

Vandemiddag he’k mit Frits de Jan Mankes-tentoonstelling in Museum Belvédère bekeken. Frits reageerde en reageert vaeke op mien kollums in de kraante. Now ja, en dan koj’ al mailende en appende mit mekeer in de kunde. Dat we praoten zo now en dan even in et echt bi’j en dat doen we dan in Museum Belvédère. Et mag dudelik wezen dawwe daor dan ok wat drinken nemen mit veural wat lekkers d’r bi’j. Vandemiddag was dat oranjekoeke. We hebben now vanzels mitien van de gelegenhied gebruuk maekt en bekiek de Jan Mankes-tentoonstelling. D’r is toegeliekertied ok een Mankes-tentoonstelling in Museum Arnhem. Die is Belvédère is hiel mooi. Et is vanzels ok prachtig dat Mankes vroeger op ‘e Knipe woonde. Et museum staot in feite in de naoste omgeving van waor Jan Mankes (1889-1920) en de vrouw vroeger woonden. Mankes trok laeter uut Frieslaand weg en is mar 30 jaor wodden. Mar zien meerste schilderi’jen en prenten het hi’j hier maekt. Et is soms een betien an de donkere kaant, mar wel hiel arg mooi. De tentoonstelling trekt een protte volk, et was d’r dan ok drok. Hieronder een schilderi’je dat now in Belvédère te zien is. Wit paard op bouwland een eulievarfschilderi’je op doek uut 1917.