Johan Veenstra
Stellingwarver schriever en verteller

It Petgat

Plaetst op 2 oktober 2022.

Et is vandaege 80 jaor leden dat de joodse warkkampen in Nederlaand sleuten wodden. De meensken die daor zatten, wodden via Westerbork naor de vernietigingskampen brocht. Vandemiddag wodde dat an de Nieksweg in Blesdieke herdocht op et plak daor in de oorlog et joodse warkkamp It Petgat was. Et was een indrokwekkende plechtighied. D’r was meziek, d’r weren toespraoken en de ni’je vlaggemast op een vlonder wodde in gebruuk neumen. De bi’jienkomst wodde leided deur Anne Schelhaas van Stichting It Petgat. Toespraoken weren d’r van burgemeester André van de Nadort van West-Stellingwarf, Arno Brok, de Kommesaores van de Keuning in Frieslaand en opperrabijn Binyomin Jacobs. Kiender legden bloemen en dreugen een gedicht veur. Burgemeester Van de Nadort en Kommesaores Brok hijsten de vlagge halfstok. Zie de foto hieronder. Vlaggemast en vlonder konnen anschaft wodden deur een financiële bi’jdrege van de Johan Veenstra Stichting. Ik vertegenwoordigde oonze Stichting daor vandemiddag.