It Geheim

Vandaege he’k de plaanten in de potten en de tuun nog mar wat waeter geven. Alles verbraant in de hitte. Deur de klimaotveraandering za’k zo staorigan een aandere beplaanting hebben moeten. Ik hebbe de wasmesiene ok een peer keer dri’jen laoten. En now za’k zodaolik de tasse inpakken veur de vekaansie die  morgen begint.

Ik hebbe mit genoegen de roman It geheim van Frédéric Lenoir in een Friese vertaeling van Jacobus Knol lezen. Pierre Morin wodt buten westen vunnen tussen de droevestruken naodat hi’j twie daegen spoorloos west het. Wat is d’r mit Pierre gebeurd? In et dörp vraogen de meensken heur dat allemaole of en ze perberen uut te vienen wat et geheim van Pierre Morin was. It Geheim is een filesofisch verhael en ok een thriller.