It each fan Eelke

Ik hebbe vandaege een kollum schreven over et tillevisiepergramme Bed & Breakfast. Daor kiek ik vaeke naor. In mooi Stellingwarfs is dat vanzels Bedde en Broggien. A’k nog in mien oolde huus woonde zo’k daor ok wel an mitdoen willen. Dat zol dan een opzienbaorende uutzending wodden.

Ik hebbe et boek It each fan Eelke van Eelke Lok lezen. In et boek staon de mooiste kollums die hi’j veur Omroep Frieslaand-radio verteld het. Et bin vaeke slim kritische kollums. Hi’j was indertied ien van de meerst invloedrieke journalisten van Frieslaand. Ik moch lange leden, krek as kammeraod Douwe Kootstra, kollums veurlezen in zien radiopergramme It Wapen fan Fryslân. Ik hebbe dit boek mit groot genoegen lezen. In de kollum Eaststellingwerf schrift hi’j over de veurige burgemeester Harry Oosterman de volgende zinnen: De boargemaster is in fleurich mantsje. Nimmen hie fan him heard doe’t er as boargemaster beneamd waard. Nimmen sil him kenne as er aanst in kear ophâldt. Now, daor kuj’ et dan wel mit doen. In de kollum Stellingwarfs kom ik ok veur: Tryst, Johan. De grutte fersprieder fan it Stellingwarfsk, tagelyk de deastek foar syn streektaal.