Interview

Vandemorgen het Magda Dullemond bi’j me op vesite west. Zi’j het me interviewd veur een ni’j tiedschrift over West-Stellingwarf. Bi’j et interview komt mien gedicht Boom bi’j Ieken Verlaot uut et boek Longerlaand te staon. Et kommende veurjaor wodt in en om West-Stellingwarf henne et ni’je glossy tiedschrift Stiekm trots op Weststellingwerf huus an huus verspreided. D’r kommen interessaante artikels in te staon en prachtige foto’s die oons dudelik maeken moeten wat oons zo trots op West-Stellingwarf maekt. D’r komt ok alderhaande infermaosie in te staon van wat d’r allegeer in West-Stellingwarf te zien en te beleven is. Mit een agenda en kuier- en fietsroutes. De glossy zal dan overal te kriegen wezen. In winkels, hotels, VVV’s, B&B’s… Ik vien dit een mooi initiatief!