In memoriam

Een schoffien leden he’k De nomade van Pascal Engman en Johannes Selaker lezen. Een prachtige Zweedse thriller. Doe zag ik dat dat et dadde diel uut een serie over pelisieman Tomas Wolf en journaliste Vera Berg was. Ik hebbe intied et eerste diel In memoriam ok drekt lezen. Et wonderlike is dat et verhael speult in de hittegolf van 1994 in Zweden as dat laand mitdot an et WK-voetballen. En ik las et boek in de hittegolf van 2026 in de Stellingwarven en Zweden dee weer mit an et WK-voetballen. Dat is toch een wonderlike bi’jkomstighied. In et verhael wodt in een park een vrouw vunnen die smoord is. Zi’j is niet et eerste slaachtoffer en zal et laeste ok niet wezen. Heufdverdochte is de verslaafde akteur Micael Bratt. Mar het die et wel daon? Vermoedelik toch niet… Tomas Wolf en Vera Berg, die allebeide persoonlik ok niet zonder kleerscheuren deur et leven kommen, lossen et disse keer ok weer op. Wat een schitterende serie boeken! Now et twiede boek Zondeval nog!