In brêge fan glês

Alle biebeltheekleden kriegen krek as vleden jaor in november een kedogien en dat moois he’k vandemiddag ophaeld in de biebeltheek van Wolvege. Et boek Mevrouw mijn moeder van Yvonne Keuls lag veur me klaor. Mooi is dat! Vervolgens he’k in sporthal de Ni’je Steense mien jaorlikse griepprik had. Vanof half twieje koj’ daor terechte en doe ston d’r al een hiele flut volk te waachten. As was de honderdduzend daor te vergeven! Ik kriege al wel meer as dattig jaor een griepprik en ik hebbe (dus) nooit griep.

Van mien autobiografische roman Een brogge van glas is in 2009 een vertaeling in et Fries uutkommen. Folkert de Jong vertaelde et boek indertied hiel mooi en et kwam in een oplaoge van duzend exemplaoren uut bi’j uutgeveri’je Bornmeer. En now is In brêge fan glês dus uutverkocht. Misschien dat in een inkelde winkel nog een exemplaor van et boek te bezetten is. De Stellingwarver versie is al vule langer uutverkocht, mar bi’j boekhaandel Zwikstra in Wolvege hebben ze nog een peer exemplaoren. Een brogge van glas is now allienig nog as luusterboek te koop.