Ik reis alleen

Een schoffien leden las ik de thriller Sneeuwwit van de Noorse schriever Samuel Bjork over pelisieinspekteur Holger Munch en zien jonge vrouwelike kollega Mia Krüger. Dat was een hiel mooi boek en et dee blieken dat d’r meer boeken van Bjork over dit pelisieduo binnen. Ik hebbe now Ik reis alleen lezen en ik zal de aanderen ok nog lezen en dan in de goeie volgodder. In Ik reis alleen wodt op et Noorse plattelaand een maegien van zes jaor vunnen dat mit een springtouw ophongen is an een boom. Ze het vremde poppekleren an en een vliegtuugkaortien om de nekke mit de tekst Ik reis alleen d’r op. En dan wo’n d’r meer vermoorde maegies van zes jaor in poppekleren vunnen… Holger Munch moet mit Mia Krüger en heur kollega’s perberen om de moordener te vienen. Ze gaon van een man uut, mar et kan vanzels ok wel een vrouw wezen. Wat schrift die Samuel Bjork prachtige boeken! Dit smaekt naor een hieleboel meer!