IJsprinses

Vandemorgen bin in de dokterspraktiek in Wolvege de vuuf krammen uut mien heufd haeld. Now he’k dat ok weer had. Vervolgens he’k bi’j Boekhaandel Zwikstra een bestelling ophaeld. Vrouw en vrijheid van Jolande Withuis. Toegeliekertied he’k een boek besteld: Koekoeksjong van Camilla Läckberg, et elfde diel uut de beroemde Fjälbacka-serie over pelisieman Patrik Hedström en schriefster Erica Falck. Ik hebbe alle tien eerdere boeken in de kaaste staon, dat dit elfde moet ik vanzels ok hebben. Ze bin prachtig en spannend. Om d’r weer in te kommen he’k et eerste diel van de serie, IJsprinses, nog es weer lezen. Al gauw kende ‘k alle meensken weer, mar de moord die oplost wodden mos, wus ik alles niet meer van. Et was dus weer hiel spannend om te lezen. Ik kan de hiele serie wel es weer lezen en dat za’k zeker doen. In IJsprinses liekt et d’r op dat een mooie, jonge vrouw heurzels van kaant maekt het, mar as even laeter ok een kammeraod van heur wegraekt, liekt d’r meer an de haand te wezen. Patrik en Erica gaon op onderzuuk uut!