IIsbaan yn ‘e maaitiid

Et keunstprojekt IIsbaan yn ‘e maaitiid dat in coronatied in 2020 uut aende zette mit et uutkommen van et boek mit dezelde titel is now tot een aende kommen. In et boek staon tal van schilderi’jen, foto’s en gedichten van tal van keunsteners en de gedichten bin in alderhaande taelen die in de perveensie Frieslaand praot wodden. Van mi’j staot et gedicht Bekentenis d’r in. Mar et projekt behelsde ok een tentoonstelling, peblieksbi’jienkomsten en d’r weren drie fietsroutes bi’j de verschillende iesbaenen langes. De gedichten stonnen op mooie bodden bi’j die iesbaenen. Mien gedicht ston een jaor of wat bi’j de iesbaene van Ni’jlaemer. Mar now is d’r dus een punt aachter dit mooie projekt zet. De bodden mit gedichten bin overal weghaeld en de dichters konnen heur bod ophaelen bi’j Eddy van der Noord van uutgeveri’je Louise in Grou. Doe we twie weken leden in Grou weren om de BB-bunker te bekieken hewwe et moois bi’j Eddy en zien vrouw, die uut Wolvege komt, ophaeld. Ik hebbe et vandemorgen naor de Stellingwarver Schrieversronte brocht. Daor wodt et beweerd in et archief. Veur de rebriek Stellingwarfs in et wild he’k indertied een diel van et bod op ‘e foto zet. Hier is mien gedicht te lezen.