Johan Veenstra
Stellingwarver schriever en verteller
Plaetst op 21 jannewaori 2025.
Ieder jaor gaon we om disse tied henne naor et jaorlikse Iesbeeldefestival. Dat was altied in de Iesselhallen in Zwolle, mar et is now in een grote hal in Biddinghuzen, die vroeger bi’j de iesbaene daor heurde. Dat wi’j naor Biddinghuzen en et was weer prachtig. We hebben d’r eerst wat dronken en een vulde koeke had en doe hewwe alle moois bekeken. Ikke mit zes laogen kleren an, musse op, haansken an. En zo leupen we tussen goden en godinnen deur, we zaggen de onder(waeter)wereld, Hannibal die mit zien olifanten over de Alpen trok, de wolf van Roodkappien en sir Edmund Hillary die de Mount Everest bedwong. En nog vule meer. Nao ofloop hewwe een film bekeken over et maeken van al die mooie iesbeelden. Wat bin et een geweldige keunsteners die dat kunnen. Deur een dikke dieze biwwe weer op huus an gaon. Bi’j Van der Valk in Wolvege hewwe een bod waarm eten had. De grote eetzael was sleuten. Op een bod ston Under construction. Ie bin in de Stellingwarven of niet! Mar ik daenke dat et betekent Hier wodt ommebookt. Hieronder drie foto’s die ‘k maekt hebbe in Biddinghuzen.