Hoop voor het landhuis

Ik hebbe vandemorgen even op ‘e fiets naor Berkoop west. Ik moet fietsen en bewegen blieven, want ik kriege wel wat last van artrose. Vandemiddag he’k een kollum schreven over de film De Sultan van Bercoop en die he’k in de komputer opsleugen. Et is de bedoeling dat die in de loop van meie in de kraante komt te staon.

Ik hebbe et boek Hoop voor het landhuis van Anne Jacobs lezen. Aachter mekeer he’k de drie boeken van disse serie lezen: Het landhuis, Storm rond het landhuis en Hoop voor het landhuis. Now is et zin gerust en weet ik dat et allegeer goed oflopen is. Dat ha’k van teveuren vanzels wel in de gaten, mar d’r moet vaeke hiel wat waeter deur de Lende veurdat alles in kannen en kruken is. Baronesse Franziska het heur laandhuus dat in de DDR-tied onteigend en verrinneweerd is weerommekocht. Franzisca trouwt mit jeugdliefde Walter, kleindochter Jenny mit Ulli en alle onienighied in de femilie wodt zo staorigan oplost en iendrachtig wodt veerderwarkt an de toekomt van et laandgoed Dranitz. Ik bin now weer an een mooie en spannende Skandinavische thriller toe!