Hindeloopen

Wat was et vandaege vreselik mal weer, eerst vul et nog wat mit, mar laeter kwam d’r een bratse waeter. Et was dus gien boot- of fietsweer. Zodoende biwwe naor Museum Hindeloopen west. Dat wodde een vorrels jaor leden hereupend deur keuninginne Maxima mit een penseelstreke op een Hindelooper dienblad. Et is een prachtig museum wodden in een oeroold gebouw vlakbi’j de mooie karke. Wat is Hindeloopen toch een mooi stattien. In et museum kuj’ van alles geweerwodden over de Hindelooper haandelsschippen die vroeger naor de lanen an de Oostzee veerden. En vanzels over de Hindelooper schilderkeunst, de Hindelooper tael en de prachtige klederdracht. Mit een audiotoer biwwe een protte an de weet kommen. Doe we et museum weer uutkwammen regende et as de zee. Een peer Duutse fietstoeristen schoelden in et hokkien mit de leugenbaank. We hebben even bi’j heur staon. Op ‘e weerommereize hewwe luncht in resteraant De Fûke in Echten. In Wolvege hewwe nog even bi’j Jarmo ansteuken in die zien paand an de Industriestraote. In Wolvege regende et alderverschrikkelikst. Hieronder twie foto’s van toch een mooie dag. Omda’k butendeure gien foto’s maeken kon, he’k in et museum disse twie foto’s maekt.