Het familiegraf

We hebben de kotste dag had en gaon een betere en lochtiger tied staorigan integen. Daor bin ik bliede van. Ik hebbe mien ofspraoken veur de kastdaegen ok ofzegd en we gaon d’r morgen ok niet op uut. Dat spiet me allemaole vreselik.

Ik hebbe et dadde diel van de Sebastian Bergman serie van Hjort Rosenfeldt lezen: Het familiegraf. Ik leze de hiele serie van acht boeken nog een keer en geniete daor weer slim van. Op ‘e oever van een revier wodt een graf mit zes lieken ontdekt. Twieje d’r van bin kiender. Ze ontdekken dat d’r een Nederlaans echtpeer uut Rotterdam bi’j is. Mar wie bin de aanderen? En wat hebben ze mit mekaander te maeken? Inienend bemuuit de veilighiedsdienst him mit de zaeke. Dan wo’n Sebastian Bergman en zien team eerst echt ni’jsgierig…