Het Dossier

Ik hebbe de literaire thriller Het Dossier van Anya Niewierra lezen. Een prachtig boek! Keunstener Josta Bresse woont in de heuvels van Zuud-Limburg en dan wodt perbeerd om heur van kaant te maeken. Et het vermoedelik mit heur verleden te maeken. Josta vervalste in opdracht van de DDR keunst en dat wodde veur grof geld an et Westen verkocht. Josta perbeert om heur oolde team op te sporen. Tegere mit de  meensken van dat team is ze indertied oppakt omdat d’r een dossier steulen was. In dat dossier ston et bewies dat de nepkeunst an et Westen verkocht wodde. Josta perbeert dat dossier te pakken te kriegen en wodt aachtervolgd deur huurmoordeners. Uuteindelik komt et tot een konfrontaosie mit de man die heur leven verwoest het. Et leven in de DDR-diktatuur wodt, hoe gruwelik et ok was, prachtig beschreven. Een superspannend boek!